قصيدة الشاعر / رشيد بن مساعد القباني
بمناسبة اغلاق الأبواب وعدم استقبال الضيوف
بسبب جائحة كورونا 1441هـ
خلوا الباب ياربعنا مفتوح
بابنا صكته ما لها داعي
قبلنا قالوا ان مابها مصلوح
تصلح لمثل عفنين الاطباعي
تصلح لمثل نذلٍ قريب شبوح
لا لفوه المسايير يرتاعي
وتزعل اللي لشمخ العلا طموح
كاسب المرجله وافي الباعي
ماب صدري على صكته مشروح
اتصبر وأنا فايضٍ صاعي
فجة الباب من مايسر الروح
غايتي وامتناي التجمّاعي
وما قسم للفتى قد كتب فاللوح
وما نزل من السماء ضمه القاعي
قالوا الامر من عاهلٍ نصوح
وامر حكامنا لازم يطاعي
قلت أظن بسج القدم واروح
وانحر الغرس مختلف الانواعي
والله اني على نظرته مشفوح
وغير شوفه ترى مالي اطماعي
جعل يمه نشوف البروق تلوح
من كريمٍ عطياته وساعي
فوقه الوبل ربي يكوحه كوح
لا تقافى اوله جاله اتباعي
وبطلب الله وأنا بالدعاء لحوح
وارفع يديّ والناس هجاعي
جعل عنا جميع الوباء يزوح
يرفع الشر ويوفق الساعي
وآخرتها قبول وطرب ومزوح
يبعد الهم وتزين الاوضاعي
العرض العادي
