شاعرنا هو محمد بن سعد بن جهير القباني
أحد شعراء القبابنة المخضرمين له قصائد كثيرة وقد كتب في القبيلة
وفي ديارها وفي فرسانها أحلى القصائد وأروع الأبيات
ونترككم مع إحدى قصائده آملين أن نكون قد وفقنا ولو في بعض الشيء
نطلب اللي يرفع العرش وينشي المخيل=آمر ٍ هدب المخايل تصب مزونها
جعل راع الشر ما ينتصر يبقى ذليل=وإن فتح عينه عسانا نطس عيونها
دارنا يا دارنا ما نبيعك بالقليل=علمّ اللي ودهم بالثمن يشرونها
كم صبي ٍ عندها طاح من ضرب الفتيل=والإسود عيال شيبانهم من دونها
لاد إبن قبان هل الطيب والعلم الجميل=ينطحون الشر لا من حضر مجنونها
أحمد الله جمعنا عند حلتهم ثقيل=لا يحبون الهزيمة ولا يطرونها
دارنا يوم الجهل ما نبي غيرك بديل=مدهل ٍ لجدودنا والقصور حصونها
جعل شيبان ٍ حموها على وقت ٍ طويل=جعلهم في جنة الخلد وسط ركونها
العرض العادي
