قصيده (تكفى ترى تكفى تهز الرجاجيل) كامله

تكفا ترى تكفا تهزّ الرجاجيـل لولا صروف الوقت ماقلت تكفا!!



بيت مشهور من أكثر القصائد التي كثر اللغط حولها وتداولها بعض الشعراء في بعض قصائدهم ونسبوها لهم والحقيقة تقال إنها للشاعر العذب : محمد الدحيمي الشهري المعروف بــ (أخو تكفى) ..

اليكم القصيدة بمحتوى البيت السابق.





اما لطمنا العيل والا الطم العيل ....... مادام شب النار مندوب الاطفا

من ذاق حر القايله يعشق الليل .......... ومن شب ضوه ليلة البرد يدفـا

امسيت في جيلٍ ولاهوب ذالجيل ......... واصبحت والا ديرتي شبه منفـا

واللي حما بيته بطيـرن ابابيـل ............ ماجيت ادور كل من صد واقفا

ولاجيت ابشحذ يانما دلّه وهيل ............ جيتك وجرح الظلم غاديه يشفا

جيتك بكلمه كنها صعقة الويل .............. ان قلت تكفا لاتهـاون بتكفـا

تكفا تراها كلمةٍ تقطم الحيـل .............. لابالله الا تنسف الحيـل نسفـا

تكفا ترا تكفا لها هدرة السيـل ............. في صدر حرٍ ينتف الطيب نتفـا

تكفا ترا تكفا لها تسّرج الخيـل .......... ان كان لك في مجمع الخيل عسفا

تكفا تراني من قرومٍ مشاكيـل ............ حماية الساقه بسيـفٍ وشلفـا

تكفا وتكفا ماتسـاق لمهابيـل ........... تكفا تخلّي القرم لاشٍ وهطفـا

تكفا ترى تكفا تهزّ الرجاجيـل ............ لولا صروف الوقت ماقلت تكفا



تقبلوا تحياتي
النايف

 

لاهنت يابعدي على النقل المتميز الحقيقة انها بها من الشهرة مايكفي

 

انا اشهد انها تكفى تهز الرجال ,, صح لسانك ولسان الشاعر , وماقصرت ياالقرم النايف .

 

بيض الله وجهك
أخوي النايف
قصيدة جميلة من عضو أجمل
نفتخر به ونثمن مشاركاته
لاهنت وصح لسان الشاعر محمد الدحيمي

 

ولد بداح
لاهنت على المرور
وجزيت خيرا

 

حياك الله ياحد الرهيف
وماقصرت على المرور
وجزيت خيرا

 

ويبيض وجهك يامحمدالقباني
الأجمل مرورك المعطر
وفقك الله