آلاد قبان لهم صيت ٍ يفوق الوصف والتحليل

بما أننا نعيش هذه الأيام الجميلة التي تمر بها مملكتنا الغالية
والأجواء الرائعة والأمطار الذي أسأل رب العزة والجلال أن تكون أمطار خير وبركة
وأن يعم بنفعها بلاد المسلمين
يطيب لي أن أهديكم قصيدتي هذه

كريم ٍ ياسنا بارق تكاشف بانتصاف الليل=لمحته يمة ديار ٍ عساها دوم ممطورة
قرايا من قرى الأفلاج يعمّرها الحيا والسيل=يصبّحها يمسّيها ومنه النفس مسرورة
يحدّر مع حراضة والستارة ثم يمر الغيل=ثلاثين ليلة ٍ شعبانها بالخير مغمورة
إلين تصبح بطاحيها كما دجلة ونهر النيل=ديار اللي فعايلهم مابين الناس مشهورة
آلاد قبان لهم صيت ٍ يفوق الوصف والتحليل=حكت عنهم تواريخ ٍ مع الأسلاف مأثورة
شماسات الأصل والفصل مايبغى لها تطويل=أصول ثابتة من سابق الأزمان مخبورة
أهل نخوة أهل كرمة أهل خوة وهجن وخيل=على مر السنين الفايته والوقت وعصورة
مزبّنة الدخيل اللي شكى جور الزمن والويل=وذا فعل الجدود اللي بفعل الطيب مذكورة
صغيّرهم وشايبهم بعيد ٍ عن دروب الميل=وإلى من غاب رب البيت يكفّو عنّه بزورة
ورثنا منهم الطيبة وعانقنا الجدي وسهيل=على نهج السلف نمشي أسود غابات ونمورة

 

صح لسانك يابوخالد وماقصرت ابيات جزلة طال عمرك لكن ماعرجت على ضرماء لو بشطر
خاصة انها من اقدم البلدان التي ذكر فيها المؤرخون القبابنة وخاصة في التواريخ النجدية القديمة
لكن قصيدة الشجرة نبي نشوفها كاملة

 

صح لسانـك ابـو خالد ولاهنت على القصـيـدة

وانا لـي طلب زي ماطلب اخوي عبدالمحـسـن


وهو الحريق فيها قـبابـنة
وقد سلمك الله مسكها واحـد(ن)قبااانـي

 

صح لسانك يابوخالد وماقصرت ابيات جزلة طال عمرك

 

صح لساااااااااانك يابو خالد
قصيدة في غاية الروعة..

 

صح اللساااااااااانك

ابوخااااااااالد

على القصيدة الله يطول في عمرك

تقبل تحيااااااااااااااتي

 

صح لسانك وابدانك ياابوخالد ,, عساها للحيا والسيل ونربع فيها ,, اللهم آمين .

 

بيض الله وجهك وصح لسانك

 

الله الله يابوخالد وش خليت ابيات غاية في الروعة وقريحة شعرية نقية
لاهنت ياشاعر القبابنة وبيض الله وجهك

 

صح لسانك يامحمد والله يرزق الديار بالخير والامطار

 

صح لسانك يالشاعر قصيدة رائعة ربي يوفقك

 

”	المشاركة الأصلية كتبت بواسطة عبدالمحسن القباني صح لسانك يابوخالد وماقصرت ابيات جزلة طال عمرك لكن ماعرجت على ضرماء لو بشطر خاصة انها من اقدم البلدان التي ذكر فيها المؤرخون القبابنة وخاصة في التواريخ النجدية القديمة لكن قصيدة الشجرة نبي نشوفها كاملة

حياك الله أخوي عبدالمحسن وصح بدنك وضرماء تستاهل كل خير وكلامك في محله
شاكر مرورك وتواصلك

 

”	المشاركة الأصلية كتبت بواسطة بن الغلبا صح لسانـك ابـو خالد ولاهنت على القصـيـدة وانا لـي طلب زي ماطلب اخوي عبدالمحـسـن وهو الحريق فيها قـبابـنة وقد سلمك الله مسكها واحـد(ن)قبااانـي

صح بدنك يابوسعديه وطلبك على العين والرأس وصحيح ماذكرت
ألف شكر يالغالي

 

صح لساانك على القصيدة الجزله والرائعه

 

صح لسانك يامحمد ولاهنت عزالله انها تبيض الوجه وفيك نفتخر يابن عمي