بسم الله الرحمن الرحيم
هذه أبيات في الدفاع عن الرسول صلى الله عليه وسلم والذود عن عرضه الشريف
ارعد وارعد وازبد ازبد واظهر اللي فوق صدرك من كلامٍ مايرمد و العن ابليس العين=شب نارٍ تصطلي وسط جوفٍ ممتلي في ظلامٍ مضللي شب نارك فالهشيم
عدَها حربٍ شروس بين نابك والضروس وين سيفك والتروس عدَها والله يعين=تك قلبي تك تك وانقفل قفل المصك واعلنوا من غير شك زاد ضيمي ضيم ضيم
سم سمٍ مستساغ موب حكيٍ في فراغ راغ قلبي راغ راغ من كلام المشركين=حام قلبي حام حام وارتفع فوق الغمام واشتواله من كلام كن قلبي في حميم
حام قلبي وانتكس واحترق بي وانحمس واختبص بي واحتمس ......... يالمرجفين=قلتها والله عظيم غير حكمه مايديم لو طغى أكبر لئيم لو علا يصبح دميم
وا عذابي والإهانه من غريبين الديانه بيَنوها وسط خانه الطغاة الحاقدين=قاصدينٍ للنفوس سمهم فينا دسوس حاس فينا حوس حوس ماسلم منهم سليم
استهانوا بالرسول وش بعدها من فعول وش نقول وش نقول وش فعول المسلمين=مابقى غير النبي بالمسبه يشتمي الرسول الهاشمي مرسله ربٍ رحيم
خير من صلَى وقام وخير من زكَى وصام وطاف بالبيت الحرام واكتسى وصف الأمين=قبل يبعث في العرب كان ذلٍ مستتب عزنا الله والسبب بعثته فينا رحيم
قلتها واللي بقى من حياتي لك فدا يارسولٍ للهدى كل وقت وكل حين=عد روحي واللسان دون عرضك تستهان لاجل عرضك مايهان من حقير ومن لئيم
فز قلبي ثم غار زاد ناري نار نار قام يقدح بالشرار من يسار ومن يمين=مالنا غيرك إله ملتجين في حماه ينتصربه مصطفاه عز جاهك ياكريم
يامنزل للكتاب ياشديدٍ في العقاب صب نارك والعذاب في بلاد الغافلين=وارسل ارسل من سماك وانت ربي في علاك مايعزز مجتباك من عذاب مستديم
ثم سلَط ماسكن من زلازل من فتن من كوارث من محن في بلدهم أجمعين=وارم ربي بالشرر في عذابٍ مستقر والعن الله من كفر خلَهم ربي رميم
ذا جزاهم فالحياة خلَهم ربي شتات خلَهم ربي فتات لين يصحى النايمين=من تعدَا في الحبيب من عناده مايطيب يبشر بيومٍ عصيب والله أكبر ياغشيم
عزك الله واصطفاك يانبي واجتباك من عدوٍ قد نواك من طغاةٍ كافرين=ويختتم مني الكلام في صلاتي والسلام عد مزنٍ من غمام عد ماهب النسيم
الشاعر / فلاح بن كايد القباني
العرض العادي
