هذي القصيدة قلتها عندما شرفنا بزيارته سمو سيدي امير الرياض صاحب السمو الملكي الامير خالد بن بندر بن عبدالعزيز ونائبه صاحب السمو الملكي الامير تركي بن عبدالله بن عبدالعزيز في محافظة الافلاج
ويسعدني ان انشرها في الموقع الرسمي لقبيلة القبابنة
حّر بعده حّر بعد الحّر جانا
حراً اشقر ماكره قصر الامارة
مرحبا بك عد نور الصبح بانا
مرحبا بك عد ما تقدح شرارة
مرحبا بأميرنا اللي هو لفانا
ومرحبا بالنايب اللي له وقاره
ومرحبا باللي حضروا هم وخويانا
كل واحد له تحية في قراره
والله انا كلنا نعلن ولانا
للمليك اللي حمى حده وداره
ابو متعب هو ملكنا اللي عطانا
كل خيرن في بلدنا هو عماره
يا ملوك المملكه انتوا ذرانا
في زمانن شين كاثر به غباره
ياملوك المملكه انتوا معانا
شعبكم معكم بعد في كل غارة
العدو والله مايقرب حمانا
لا نوى له نيتن ناوي دماره
المحرض عندنا ماله مكانا
لانوى يبني هدمنا له جداره
القلاقل والفتن عند اقصرانا
والوطن ثابت وراسي في مساره
الوطن دونه رجالن ماتوانا
دونه رجالن بها عز وسطاره
وانت تبغى العلم خذ علمن بيانا
شعبكم معكم بعد في كل غارة
من فضل ربي بلدنا امنن وامانا
لحمتن وحده وكلن دون جاره
بيرق العز رافعينه في سمانا
والله انا كلنا نفدا شعاره
كل ذا العالم ترى تتبع خطانا
من حضارة مبتدينن في حضارة
كل ذ العالم تبي تكسب ولانا
دايمن حنا ننافس بالصدارة
التطور في مدنا مع قرانا
مع تراث اجدادنا نحمي اثاره
قلتها وانا ترى طوالن خطانا
شاعرك قباني براسه نعاره
والله انا مانزلنا في الطمانا
معتلينن بالمنازل فوق قاره
والنهاية مرحبا باللي لفانا
بالامير ونايبه واللي بجاره
والختم صلوا على الهادي هدانا
عد ما يذن مؤذن بالمنارة
الشاعر
فايز بن عبدالله بن غليظ القباني
العرض المتطور
