الأخوة الغالين القبابنة يشهد الله على حبكم ومعزتكم وهذه قصيدة للشاعر دسمان بن مناحي قالها في والده عندما مرض وفقد القدرة على النطق وفي ليلة نطق رحمه الله بسم ابنه دسمان فقال الشاعر هذه الأبيات
لبيـك لبيـك ياصـوت يناديـنـي=لبيك من بـده القاصيـن والدانـي
لبيك لبيـك مـن قلبـي ملايينـي=لبيـك لبيـك ثـم لبيـك بلسانـي
ماهوب لبيك ياصـوت المزايينـي=لبيك ياصوت ابويـه يـوم نادانـي
كفي لك فراش ولحافك هدب عينـي=مادام انا حـي تامرنـي وتنهانـي
يابوي مافيه شـى عنـك يلهينـي=طاعتك من طاعه اللي سن الاحساني
ان مت قبلي بكيتك ليـن توحينـي=وان مت قبلك فلا تبكي علي شانـي
وقد جارى شاعرنا دسمان المحمدي الشاعر حسين الحبابي بهذه الأبيات
دسمان وايش فيك بابياتـك تبكينـي=ما كل ماسمعـت يادسمـان بكانـي
حتي لو ابكيتنـي هرجـك يسلينـي=دسمان دسم علي اسمك هرج سماني
الله يسامحـك يازبـن المخليـنـي=حتي لو ابكيتنـي ياطيـر حورانـي
ذكرتني واحد لـي رحـت يدعينـي=يقولـي ودي انـك دائـم اوزانـي
وان كان غبـت يادسمـان يومينـي=جيته وقلبه علـي القـرم شفقانـي
وان غبت عنه لكنك شائـف فينـي=خله وقلبي خطيـر يصيبـه جنانـي
دسمان يفدونك اللي حظهـم شينـي=الكل منهـم يخلـي بـوه بالعانـي
شيبانهـم بالخـلا دائـم مخليـنـي=ندعي لهم دايـم بالمـوت عزرانـي
متكبريـن بـلاش وهـم مساكينـي=وان قلت غلطان قال الا انت غلطاني
ومودع امـه ردي الحـظ عامينـي=يقول تزعج عيالـي هـم وجيرانـي
الين ماتـت وجـاه العلـم بعدينـي=خسران ياجاحد المعروف خسرانـي
ناس علي الحقد والبغضـا مربينـي=دائم تغيض الرفيق وتشتـم العانـي
في ذمتي مالهـم مذهـب ولادينـي=البعد عنهـم تـراه يجلـي احزانـي
ياعين يرزقك سلطـان السلاطينـي=عن رفقـه افـلان وافـلان وفلانـي
عليك باللي مثـل دسمـان ياعينـي=قصيده العذب يشرح صر الانسانـي
دسمان لاهنت جعل ايامـك سنينـي=حبيت اجاريك لو ماهـي بتنصانـي
ياليت دسمان مـن ربعـي الادنينـي=ان اشهد ان رفقته تشري بالاثمانـي
لاشـك ذي حاجـه ماهـي بيدنـي=هو من سبيع وحن من روس قحطاني
والختم ياعين كفي الدمـع تكيفينـي=لابد وان ماوطـا دسمـان ياطانـي
الغيب عنـد الله عـدال الموازينـي=وصلوا علي سيد خلقه نسل عدنانـي
ورد عليه شاعرنا دسمان المحمدي يالقصيدة التالية
ياحسين بعد البطاء وش بك تجاريني=تنبش جروح الزمان اللـي تحدانـي
وانا عن مجاريات الناس يا حسيني=يكفيني اللي من أسباب الدهر جانـي
مع قوعزمي ربع ما صـار يكفينـي=والخافي أعظم من اللي للعرب باني
ألاوي الوقـت ويدينـه تـلا وينـي=والأول من الثنين اقوى من الثانـي
يابعد فرق التكافـي بيـن الاثنينـي=شتان بين الزمان وبيـن الانسانـي
مرحوم ياللي عليك ملبـد الطينـي=يسقي ضريحك من الهمتال ودانـي
والله إن أكفن وحبك فـي شرايينـي=حاويه قلب يضخه وسـط شريانـي
اختارك الله وكـل الخلـق فانيينـي=هذا القدر والجزع نقـص الايمانـي
وانا عن مكابـد الفرقـاء يعزينـي=صبرا جميـل ودعـوات بغفرانـي
ياحسين يامقدم الربـع الكريمينـي=يانجل شيخ يعز الضيـف والعانـي
البر ياحسين وقت العسـر واللينـي=في والدينـك مثـل ماقـال لقمانـي
خلك لهم غيث ورجـوع وبساتينـي=واخفض لهم من رقيق الذل جنحاني
ياحسين مادامهم ياحسيـن حيينـي=فرصه ترى العمر يافرز الوغاء فاني
لاتمسي إلاوهم ياحسيـن راضينـي=كانك تبي جنة الفردوس مسكتانـي
اللي يقصر بهم مـا فالـه بزينـي=حتى لونـه يذبـح عقـر الضانـي
هذاك دينه ودين اسحـاق رابينـي=خسران دنيا ويوم الحشر خسرانـي
مـا تنوصـي ومثلـك لويوصينـي=شلته من المقدريه فـوق الأمتانـي
خابرك ياحسين من روس القحاطيني=وانا بعد مثلكم مـن روس سبعانـي
وان كان ودك مع الطرقة تخاوينـي=يامرحبا بالعديم إن كـان خاؤانـي
أنشد وتلقا مـع الطيـب عناوينـي=مثل ابن زامل معه رقمي وعنوانـي
وألإما دام اليمامـة بينـك وبينـي=في كل ميدان تجمع بيـن الأخوانـي
وسلامتكم
العرض الشجري