رشيد بن مساعد يرثي اخيه مشل

مرثية للشاعر/رشيد بن مساعد القباني
في أخيه مشل بن مساعد القباني رحمه الله رحمة واسعة وأسكنه فسيح جناته قبل وفاته بأيام
وهي موجهه لابنه سعد

عز الله انه ياسعد خاطري شان=من يوم قلت انه تدانا عضيدي
وقفتنا منحاس والبال عمسان=مثل الصويب اللي صوابه مجيدي
ياليت لي لامن تكدرت جنحان=واطير لاصار المسافه بعيدي
الصدر كنه يشتعل فيه نيران=نار لهبها بالضماير يزيدي
والعين هلت دمعها فوق الاوجان=في نونها كنه يسعّف جريدي
واقول كفي عنك ياعين الاحزان=ترى العباير والبكاء ماتفيدي
ياعين وين فلان وفلان وفلان=جيل فنى ويعيش جيل جديدي
الموت ماخلى شباب وشيبان=من جاه يومه مات بأية صعيدي
مكتوب اجله في نواصيه عنوان=اما شقي فلان والا سعيدي
الموت مال احد على الموت سلطان=للعالم اقرب من حبال الوريدي
ياما خذت لاقدار من كل ديفان=باقدامها تدوس خطلان الايدي
وحطت لهم في وسط الالحاد مسكان=ولهم بعد نفره بيوم الوعيدي
في ساعة ينصب للاعمال ميزان=وكل يحصل ماجمع من رصيدي
اللي رصد حسنات يجزاء بالاحسان=في حوزه اهل الخير يكتب شهيدي
واللي رصد سيئات مفلس وخسران=يحشر مع اهل الشر نكد ونكيدي
وماكتب للانسان يرضاه الانسان=رب الملا يفعل على مايريدي
خضر النعم مادامت لكائن كان=من خلقة الدنيا نزول وشديدي
ياسين ياهيف الغنم طير حوران=انا اشهد ان من مات مثله فقيدي
لاحس لقارب ولاحس جيران=ولاهوب لاجات اللوازم زهيدي
عسى ان توفى يسكنه عالي الشان=في جنة الفردوس قصر مشيدي
يسكن مع الابرار جنه ورضوان=مسرور بجوار الصحابه خليدي
وصلوا عدد ماهل من المزن ودان=واعداد ماجر الحمام اتغريدي
على المشفع بامته نسل عدنان=في ساعة منها يشيب الوليدي

مع أجمل تحية

عديل الروح

 

الله يسكنه جنات النعيم ووالدي واموات المسلمين
الحقيقة في مثل هالمواقف الأنسان يقف عاجز عن التعبير عن مايكنه في صدره
لكن مانقول الا الله يرحم الي راح ويحسن الخاتمه للحيين ويحييهم حياة طيبة
وابيات ابومساعد تجسد الراضي بقضاء الله وقدره
وهذا هو حال المؤمن
ان اصابته سراء شكر وان اصابته ضراء شكر
الحمد لله الذي لا يحمد على مكروه سواه
جزاك الله خير ياعديل الروح

 

يمال فرقا العين يابوسعد ,,, فقيده ,, ابشرك يافلاح ,, من ارث ما مات , سعد وبندر ومساعد , عسى الله يخليهم ويعزهم , مع عمهم رشيد ويخليه لهم , لاهنت ياعديل الروح ولاهان بومساعد , عز الله الله ان خلقى ضاق .

 

ألف شكر اخواني ولد بداح وحد الرهيف على مروركم الكريم

 

الله يرحمه ويسكنه فسيح جناته مهما قيل في المرحوم فلن نوفيه حقه

 

الله يرحمه ويسكنه فسيح جناته
والبركة والخير في أبنائه سعد مساعد بندر
وأطال الله عمر رشيد بن مساعد الرواية والشاعر الكبير


لاهنت عديل الروح

 

العروان وابوخالد شرّفني مروركم الكريم

 

”

المشاركة الأصلية كتبت بواسطة عديل الروح مرثية للشاعر/رشيد بن مساعد القباني السهلي في أخيه مشل بن مساعد القباني السهلي رحمه الله رحمة واسعة وأسكنه فسيح جناته قبل وفاته بأيام وهي موجهه لابنه سعد عز الله انه ياسعد خاطري شان=من يوم قلت انه تدانا عضيدي وقفتنا منحاس والبال عمسان=مثل الصويب اللي صوابه مجيدي ياليت لي لامن تكدرت جنحان=واطير لاصار المسافه بعيدي الصدر كنه يشتعل فيه نيران=نار لهبها بالضماير يزيدي والعين هلت دمعها فوق الاوجان=في نونها كنه يسعّف جريدي واقول كفي عنك ياعين الاحزان=ترى العباير والبكاء ماتفيدي ياعين وين فلان وفلان وفلان=جيل فنى ويعيش جيل جديدي الموت ماخلى شباب وشيبان=من جاه يومه مات بأية صعيدي مكتوب اجله في نواصيه عنوان=اما شقي فلان والا سعيدي الموت مال احد على الموت سلطان=للعالم اقرب من حبال الوريدي ياما خذت لاقدار من كل ديفان=باقدامها تدوس خطلان الايدي وحطت لهم في وسط الالحاد مسكان=ولهم بعد نفره بيوم الوعيدي في ساعة ينصب للاعمال ميزان=وكل يحصل ماجمع من رصيدي اللي رصد حسنات يجزاء بالاحسان=في حوزه اهل الخير يكتب شهيدي واللي رصد سيئات مفلس وخسران=يحشر مع اهل الشر نكد ونكيدي وماكتب للانسان يرضاه الانسان=رب الملا يفعل على مايريدي خضر النعم مادامت لكائن كان=من خلقة الدنيا نزول وشديدي ياسين ياهيف الغنم طير حوران=انا اشهد ان من مات مثله فقيدي لاحس لقارب ولاحس جيران=ولاهوب لاجات اللوازم زهيدي عسى ان توفى يسكنه عالي الشان=في جنة الفردوس قصر مشيدي يسكن مع الابرار جنه ورضوان=مسرور بجوار الصحابه خليدي وصلوا عدد ماهل من المزن ودان=واعداد ماجر الحمام اتغريدي على المشفع بامته نسل عدنان=في ساعة منها يشيب الوليدي مع أجمل تحية عديل الروح

تسلم يمينك عديل الروح وصح لسان الشاعر الكبير رشيد بن مساعد

 

الله يرحمه وأموات المسلمين مشكور ياعديل الروح على المشاركة

 

الله يغفر له ويرحمه
وصحيح فقد الأخ له وقع كبير في النفس وخصوصا أنه شاركك في أغلب مراحل حياتك ، ودائما ما تتذكره مع كل مراحل حياتك المتنوعة
ونسأل الله ان يغفر لمشل ويرحمه ويسكنه فسيح جناته

وصح لسان ابو مساعد
ياعين وين فـلان وفـلان وفـلان###جيل فنى ويعيـش جيـل جديـدي
الموت ماخلـى شبـاب وشيبـان####من جاه يومه مات بأيـة صعيـدي

ونسأل الله ان يطيل عمره على طاعه

تحياتي لك ياعديل الروح على نقلك هالقصيدة

اخوك
فهد ال ثلاب

 

اخواني هذال ومهنا وفهد آل ثلاب

شرّفني مروركم الكريم والله يجزاكم خير ويرحم جميع موتى المسلمين