السلام عليكم..
مسااااءكم ضحكه وفرح ولعب وجد..
اثبتت التجاااارب ال حرشان على أن علاج الضيق والحزن والملل والسأم وكافة انواع الكدر تنحدر وتتلاشى بالتجربه التاليه
7
7
ركزوا معي..
الأدوات:
نحتاج الى مرآه _ قلم _أسنان الي ماعنده يركب ..
الطريقه:
اولا تأملوا في أي مرآه موجوده في احدى زوايا المنزل..
واذا ماعندكم !!!استبدلوها بمرآة السيارة ..
ثم حاولو أن تخبرو أنفسكم بأنكم سعيدين ووصلتو لقمة الفرح وأن حياتكم مليئه بأنواع المبيدات الفتاكه والقاضيه على انواع الحشرات ..ااااقصد الملل..
ثم استخدموا احدى انواع الضحكات التاليه وجربوها ...وأنتم مازلتوا محدقين بالمرآه وبصوت مرتفع ..واكتبوا على المرآه "الدونيا سكر ياسكر"
وستعم دياركم بالأفراح ..ولاتنسوا أن تدعون لي..
وووووووواليكم أنواع الضحكااااااااات:
هههههههههههههههههه :
صاحب هذه الضحكه .. وسيع صدر .. حبوب .. طيوب .. بس مجامل بشكل كبير .. مسالم وعلى نياته .. دايم مبسوط وبارد .. اسوأ شيء انه يضحك احيانا في مواقف غلط !! .. يعني مواقف حزينه يجيك يضحك يصير ودك انك تصكه باللي معك ... غبي .. بس مليح
ياااااااااكثرهم أجل ..
ههههههههههههاي اهم شيء ياي
انسان شايف نفسه متكبر .. ضحكه قليل يقاله ثقل .. متسلط ويحس بالنقص .. ثقيل دم .. احسن طريقه للتعامل مع هيك ناس .. هو القمع والشكم والتطنيش وعدم رفعه من ارضه .. عشان يعرف ان من تواضع لله رفعه
هاهاهاهاهاهاها بنفس الترتيب:
إنسان مرتب .. يعني اذا دخلت غرفته ما تلقى فيها عود طايح .. كل شيء منظم ومرتب حتى الضحكه .. مثقف ويلبس نظارات 12 بوصه((وش البوصه اصلا!!)) يعني نظرات اكبر من وجهه .. ما يضحك كثير بس يبتسم أكتر .. شكله كذا يخليك ترتاح له وتشكي له .. عادة تلقي عنده الحل .. لو مالقيت الحل اهم شيء ترتاح .. و كمان هو كتوم .
اهم شي بالترتيب اذا زادت على سبع ماينفعش..
نياهاهاهاي :
انسان شرررير .. يمووووت في النذاله والشر .. قمة الوناسه عنده . يرج علبة بيبسي ويعطي غيره يفكه له .. عيونه يطلع منها شرر .. مركب ضروس ذهب عشان اذا ضحك تلمع وتقهر ازود احسن طريقه للتعامل مع هالنوعيه هو العمل بالمثل "ابعد عن الشر وغني له" .. لكن مهما حاولت تبتعد عنه هو بيجيك لانه يموووت ويسوي فيك مقلب .. لكن انتبه تعطيه فرصه يقهرك .. لانه لو ما قهر احد يصدع راسه .. الله يعين اللي حوله عليه
اتحداكم تعرفوه ولكم جائزه مقدمه منه؟؟؟؟؟؟؟
هههاااهاهااهاهههااههه بالحوسه هذه:
انسان مضيع بمعنى الكلمه .. يعني لو تساله عن اسمه قال ممكن الاتصال بصديق عشان الموضه يعني .. اذا مضطر تدخل غرفته .. افتح الباب من بعيد عشان لا قدر الله ممكن يطيح على راسك شيئ ... العلك ( اللبان ) ما ينزل من فمه ويقعد يمدغ فيه بعد يعني يمسك طرف العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه انسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا ما قامت ولا قعدت عنده .. الشيء الوحيد اللي يستفزة انك تتكلم على امه او ابوة يقالك بار .. وهو كيس الزباله يعفن عند الباب ما طلعه
ووووووووع امحق ضحكه..
:هه هه هه هه هه
انسان متردد .. يفكر 60 مرره قبل لا يسوي شيء .. رومانسي .. يراعي مشاعر الاخرين .. خدوم يحب يساعد حتى لو ما يقدر يدبرها باللي هوب .. ان صادفك احد من هالنوع تمسك فيه بيدينك ورجولك لان النوعيه هذي نادره
كأني عرفته<<<لا احد يسألني مين!!!
كعكعكعكعكعكعكع :
انسان "دب" "فيل" يتراوح وزنه ما بين 100 -150 كيلو متر مربع لا عفوا تكعيب .. استمد ضحكته من كثر الاكل .. كريم جدا لحد الاسراف خصوصا اذا كانت السالفه فيها اكل .. ما يطلع من البيت الا وجيوبه مليانه .. علب ببسي وفش فاش ((ياقدمي)) اللي يجلس معه بيزيد 5 كيلو/ ساعه
اماكنه المفضله : السوبرماركت - المطاعم - اينما تواجد الاكل .. لكن في نفس الوقت نفسه عزيزه يعني موب مثل اشعب مشفوح .. كيفيه التعامل مع الاشخاص .. اهم شيء اجلس بعيد عنه خوفا على عظامك لا تخلخل لانه عاده يصاحب هذه الضحكه حركه سريع باليد .. مع ذلك خفيف دم ووسيع صدر .. واصدقائه يحبونه حتى لو قطّوا له في عشاء بس اهم شيء يجي معهم
أأأأأأكيد ضحكة بنوته دام فيها مطاعم <<<اخاف اقول اجيب العيد..
يقولون فيه ضحكه جديده نازله السوق وهي
هعهعهعهعهعهعهعهعهع
هذي الصراحه ما بعد شملتها دراستي ولكن اعتقد انه ضحكه واحد متقرف ..
يعني ماعنده ماعند جدتي..
جربووووها وبالذات لما تكونو في قمة الحزن والقهر والممل ..والله مجررررررب..
ودعوااااااتكم..
لاتنسوا سؤالي الي فوق ترى له جاااائزه..
دامت ايامكم فرح وبهجة ومرح...
تحياااااااااتي
تجارب ال حرشاااان للوناسه
العرض العادي
