( ودعت ناجح من مطار القريات ) والرد عليها

الاخوة الكرام انتشرت في الجوالات قصيدة وادعــت نـاجـح مــن مـطـار الـقـريـات وهي للشاعر ابن مطرود الشراري يقول فيها /

وادعــت نـاجـح مــن مـطـار الـقـريـات = يـــوم اركـبـونـا الـطـايـره واشلـعـتـنـا
لـفّـت ودارت وامـرجـت بـيـن لحـظـات = لـــولا الـكـراسـي والـمـحـازم رمـتـنـا
طــاروا بـنـا حـمـر العـلابـي خـواجـات = صـغــر الـعـيـون وجـيـهـهـم هـولـتـنـا
تكـفـى تـشـهـد يـافـهـد واقـــر آيـــات = الـمــوت جـانــا والــظــروف اجـبـرتـنـا
جانا المضيّف قـال وش فـي خدامـات = قــلــت نـزلـونــا بـطــونّــا مـوجـعـتـنـا
من قبل اشوف الغيـم دون السمـوات = واليـوم اشـوفـه يــا فـهـد مــن تحتـنـا
عـز الله انـي مـا حسبـت الحسـابـات = والآ تـــــرى ســيــارتــي مـوصـلـتـنــا
يازين ممشى الارض لو هي مسافات = لــنّــا بـشـعـيـب مـجـهـزيـن قـهـوتـنـا
وش جـابـنـي للـطـايـره والـمـطـارات = والله مــعـــود ركـوبــهــا إن نـزلـتــنــا
لــو تنفـجـر قـامـت تـذيــع المـحـطـات = رح عــــاد دوّر قـشـنــا مــــع جـثـثـنـا

ورد عليه الشاعر الوايلي /

يـامــودعٍ نـاجــح بـمـطـار الـقـريـات = قصـتـك لــو تضـحـك تــرى حيرتـنـا
يـالـيـت مـاقـالـوا تـرانــا شــــرارات = ليـت الـخـوي قــال لخـويـه سكتـنـا
هـذي قبلـيـه تنـعـرف بالشجـاعـات = كــلاً تـقــول مـــن القـبـايـل غـزتـنـا
بالطايره لو مت من عرض من مـات = ولا قــلــت ان الـطـايــره خـوفـتـنــا
بالطـايـره خـايـف وبالـقـلـب دقـــات = قـلـت العـيـون الـلـي تبـيـنـا بكـتـنـا
لا تفتخـر بالـخـوف وتسـجـل ابـيـات = لـو انــت مــا سجلتـهـا مــا شمتـنـا
الناس يا ابـن النـاس ترقـى درجـات = هــــذي رجــــال بـوقـتـنـا علـمـتـنـا
شف الشجاع اللي يرقى بالطويلات = فـوق القمـر يحمـل عـلـم مملكتـنـا
سلطـان بـن سلمـان زبـن الوميـات = الــلــي فـعـولــه بــــدوٍ شـرفـتـنــا
هــذا كـــلام الـوايـلـي بـالإشــارات = يـــوم الشـمـالـي قـصـتـه زعلـتـنـا
والختـم صلـوا باسـم رب السمـوات = علـى الرسـول المصطفـى خاتمتنـا

ثم رد الشاعر ابو مطرود الشراري على الوايلي يوم سمع رده

هـذا حديـدٍ مـا يعـرف الشجاعـات = ولـهـو آدمــي وتخـوّفـه مرجلتـنـا
عنتر بلـش بالثـور صابـه مخافـات = لا سالمين مـن بلشتـه وابلشتنـا
يالوايلي لا تشك مـا بنـا مشكـات = الآوادم كـــلـــهــــا عــارفــتـــنـــا
حنا نحب الضحك بالشعـر وابيـات = لو قلت خـوف النـاس مـا صدقتنـا
كل ما سمعته بالقصيـده دعايـات = لا يصـيـر شــك الطـايـره خوفتـنـا
المرجلـه معنـا عليـهـا شـهـادات = إن مــا شرينـاهـا تـراهـا شـرتـنـا
لو ندعي بالخـوف مـزح وخرافـات = والحـرب خبـه للجيـوش اجهلتـنـا
إلى انسحب يرجع بقوه وهجمات = ليـن العـدو ينحـاش مـن منطقتنـا
وان كان سلطان ارتفـع للمجـرات = قبـلـه امريـكـا وروسـيـا سابقتـنـا
خل المحاور بينـي وبينـك بالـذات = لا تـدخـل الأمــار فــي سالفـتـنـا

اتمنى تكون القصايد اعجبتكم
وسلامتكم

(منقول)

 

صراحة الدعوى مزح وضحك
والوايلي قلبها جد
ودخل فيه الشجاعة وووو

وإعجبني رد ابن مطرود عليه وخصوصا قوله/
خل المحاور بيني وبينك بالـذات
***************لا تدخل الأمـار فـي سالفتنـا

ومشكور يا ولد بداح

 

قصايد جميلة ... والدعوة شيل وحط لو تشوف بينهم في الشمال علوم ..


ماقصرت يا ولد بداح بالتوفيق

 

حياك الله يافهد ومشكور للمرور

 

اخوي القباني
مشكور يالغالي ولك اجمل تحية

 

دائما ودائما تتحفنا , ماقصرت قليله عليك ,, الف الف شكر ولد بداح

 

جزاك الله كل خير ياحد الرهيف على التعليق والقبابنه وزوار القبابنه يستاهلون الي يتعب لهم

 

ولد بداح
ألف شكر نقل مميز ورائع
دائماً تتحفنا بما هو جميل
لك تحياتي وتقديري

 

”	المشاركة الأصلية كتبت بواسطة محمد القباني ولد بداح ألف شكر نقل مميز ورائع دائماً تتحفنا بما هو جميل لك تحياتي وتقديري

ابوخالد ولك مني كل تقدير واحترام على مداخلتك المتميزة

 

الف الف شكر ولد بداح

 

مشكور يالعروان وكل عام وانت بخير والساعة المباركة عودتك للمنتدى