الشاعر //رشيد بن مساعد القباني السهلي
الله يسد الحال من بعض الأفراد=والله يقطع حاجة من وراهم
بعض الملا في المجتمع علة أكباد=ومن خيرهم عساك تسلم غثاهم
لو فيهم تفعل طيب جازوك بعناد=كنك عن الدرب السليم إتحداهم
ماشوفلك من قربهم كود لإبعاد=ياسك تراه أخير لك من رجاهم
لاحدروا مع واد سند معا واد=واطلب عسى مولاك يقلع مداهم
وأعلن بفرقاهم على روس الأشهاد=راضين وألا لا تدور رضاهم
خلك مع الأجواد في ضف الأجواد=كسابة الناموس حلو نباهم
اللي بحزات القسى تنفد الزاد=وعن الردى والعيب تكرم لحاهم
لو ضدتك الايام صاروا لك سناد=ماخاب منهو يلتجي في إحماهم
في ضفهم تلقى الكرامة والإسعاد=ولا كنك ألا واحد من حداهم
كنك لهم منسوب من صلب الأجداد=اللي عناك من الامور يعناهم
رِجال لهم في قمة المجد مصعاد=يقصر قصير البوع عن مستواهم
لو زعلوا الأنذال وش عاد وش عاد=مانيب في كيف الرخوم وهواهم
إهم الذي جو في نحا كل نقاد=شكوا لو إن المال يدفن معاهم
لو باتمنا وإيتحقق لي مراد=ودي مخصّية الجحوش تخصاهم
يجلدهم الخصّاي بأمواس حداد=من شان يِخلي المجتمع من ضناهم
قلته وأنا ما أخص عايد وعواد=وقبلي ترى الأنذال كل شناهم
هذا وأختم القاف بالمسك والكاد=ومالي ومال الخايبين ورداهم
مع التحية//
عديل الروح
العرض العادي
