غلا طفوله

والله انّك جدّ غالي غصب عنّـي مادريـت
وربي اللي حطّ حبّـك داخلـي فـي وقتهـا
والغلا مزروع فيني منك وإلـك ولاشريـت
قلب عاشق في طفوله من عيونـك بِقتهـا
ماعرفت امن الطّفوله في زمنها بس قريت
يعني اِكتب بنـد يسمـح للطّفولـه رِقتهـا
اقسم اني رقت فيك ولـو عليّـه ماسريـت
والمحاني لو تبَاعَـد .. هالمحبّـه سِقتهـا
لو أروح بعيد ارجع فيـك كلّـي ماهقيـت
ارتداد الحـبّ .. هـذي معادلـه ماذِقتهـا
ولجلك انته راح اذوقك .. لاارتدادك اشتهيت
ابك خذني واحتضنّـي هالحنايـا اشتقتهـا
ليتني في مقتبل هالعمر يـوم انّـي هويـت
اربعينـي فـي جبينـي والبـلا مااطلقتهـا
ضعت فيك .. اغرورقت عيناي حتّى مارويت
ثم يجي حضـرة جنابـك يدّعـي أغرقتهـا
والله انك جدّ فتنه فـي عيونـي ان غويـت
ابك ولّع ثم أحرق .. مـا أقـول أحرقتهـا
ولو ذبحت بحقّ إذبـح لاتحاتـي مااكتفيـت
انت روحي .. كيف تحيا لو أنت ازهقتهـا ؟
تصدق انّي ماطمِعت بهالجنـون ولارميـت
لكن انته مـن بداهـا والدمـاء اهرقتهـا
دوك كلّي واعتبرني كـل شـي وماحويـت
بااعتبارك انت كلّـي .. وبصراحـه لِقتهـا
دنيتي من غيرك انته !! اعتقد .. إلا انتهيت
وش بقى لي غيرك انته ؟ روحي ؟ إلا فقتها
وربي انك جدّ اغلا مـن حياتـي ماقويـت
ولو قويت وربّي انّي قـد كذبـت وعِقتهـا
لكن انته بالسويدا ان كِتـب لـي ماحييَـت
ولا اندفنت .. بجدّ مااملك ايّ شـي بوقتهـا
للمبدع سلطان الدوسري

 

الحقيقة شاعر مبدع ... واختيار موفق ....تشكرين عليه
صح لسانك ولسان القائل

 

ليتني في مقتبل هالعمر يـوم انّـي هويـت
اربعينـي فـي جبينـي والبـلا مااطلقتهـا
ضعت فيك .. اغرورقت عيناي حتّى مارويت
ثم يجي حضـرة جنابـك يدّعـي أغرقتهـا

صح لسان الشاعر سلطان الدوسري

ونقل مميز إختي ريم السبيعي

 

تسلميييييييييييييين ومن قال ,,, لاهنتى ياالسبيعيه .

 

مشكوووووووووووره

صح لسانك ولسان القائل