هلا بكم
اليوم رايق لكم
الرطب وبعته قبل الصلاة ( صلاة الفجر )
وجيت أسولف معكم ومشتاق لكم
هذا الله يسلمن ويسلمكم صديقي ولد الربدي علمن بقصة حصلت لواحد من الشباب بالديرة
القصة وما فيها إن به خدامة عند ناس بس ترى مهيب خدامة عاشق نجد اللبنانية هذيك هجت للبنان
وعسى ماصار له شيء ياقليبي كل ما أذكره يهتز كني آكل مطب على الهايلوكس
المهم نعود للقصة
هذي قصة واحد من الشباب الله وهبه بجمال يعني ( صاروخ ) بالنقليزي وبالعربي ( طلقة ) وعندهم شغالة
مراهقة تذكرن بولد أمير الشمل الله يرجه رجت صميلن :c040:
ويوم من الايام حبته شغالتهم حب مايخطر على بال عاشق نجد
صارت تخدمه بيدينها وبرجلينها والولد هذا لاحظ معاملة الشغالة له وكنها تبي منه شي
المهم الله يسلمن ويسلمكم بيوم من الايام الولد جاله مرض مكثر من أكل الفصفص ودوه اهله للمستشفى يفحصونه الله عاد لو إنه هايلوكسي الغمارتين ماعمري فغصته قصدي فحصته قررو التخاتر إنه يتنوم الشغالة يوم سمعت الخبر أنجنت
وجالها انهيار عصبي وتفكك اسري
وكل يوم تقول لاهل الولد ابي اروح معكم الزيارة والأهل يصرفونه والمشكلة الاهل مايدرون ان الشغالة
تحب ولدهم ( هالصاروخ ) وش سوت الشغالة يجيكم الخبر جازفت بحياتها في سبيل انها تشوف حبيبها الولد
ولبست عباتها لالا مالبست عباتها هاهاهاي وطلعت بالشارع العام وراحت المستشفى
وصلت ا للمستشفى وافترت بالمستشفى الين ماافتر راسها تقل عاشق نجد ليقام يفتر على الهايلوكس
ومن طابق لطابق تفتر على الغرف كلها شوي إلا وشافت ( الصاروخ ) وهو نايم بغرفته وهادئ (يحليله راقد ) :c040:
المهم الشغاله يوم حست انها ماش ماتقدر تشوفه بعد كذا قررت انها تذبح الولد وتنتحر بعده
وش سوت الشغاله ( المتنحة ) راحت لأقرب محطة بنزين وشرت له غرشة موية صحة ( القصيم ) حجم عائلي
صار ببسي على فكرة ترى ولد الربدي يحذرن من أكل الببسي يقول أنه قاريه بالجريدة يسبب السرطان تكفون نصيحة من أوخيكم ( عاشق نجد ) لا تأكلونه
نعود للقصة المهم الشغالة كبت المويةوعبت بداله بنزين :c040:
رجعت للمستشفى الا الولد للحين نايم الشغالة فكت المغذي وحطت البنزين بدال ( مكان ) المغذي :c040: وهي تصب البنزين قام الولد فجأة يناظر ويبحلق عيونه بالشغالة
الا وشم ريحة بنزين وشاف الشغالة قد قضت من تبديل البنزين بالمغذي
الولد قام يصارخ على الشغالة والشغالة ( حطت رجلها ) وهجت :c040:
المهم الولد فز فزت الهايلوكس وإطمر وراها يركض يلاحقها
فيلم بوليسي مهيب قصة :c040:
فجأة الولد مادري وش صارله ووقف بمكانه وماقدر يلحق الشغالة
بس ليش وقف ؟
خلص البنزين :c040:
وخلصت معه قصة ولد الربدي اللي قصها على
عاشق نجد
العرض العادي
