قصيـــدةأستغــاثه لشاعر رشيد بن مساعد القباني

قصيــدة لشاعر رشــيد بن مساعد القباني

وهي قصيده استغاثه بعد توقف سقوط الأمطار لفترة طويله عن البلاد

عسى الله يبدل ساعة العسر باليسر=وعسى ترجع الديرة لنا عقب الأمحالي
منّك نرتجي الأفراج ياوالي الأمر=أنت اللي تزيل الهم والكرب ياوالي
ياموحي دبيب النمل مع صخرة الحجر=يامحيي هميدٍ خامدٍ ناشفٍ بالي
ويامنزلٍ الروح في ليلة القدر=يارب الملا يامبدل الحال باحوالي
ياوالي القدر ياجابر العظم لأنكسر=يامحصي خشاش الارض من دقّ وجلالي
خلقت آدم من طين ومكونه بشر=وذريته من نطفتاً عاشوا أجيالي
أنت اللي منحت اعبادك السمع والبصر=وأنت اللي تمد العبد باعيال واموالي
أنت الأكرم اللي مدّتك تفلج الصدر=عطاياك ياإلاهي كثيرات وجزالي
يارب الفلق يا مسيّر الشمس والقمر=عبدك يرتجيك ولا تخيب له آمالي
إنا في رجا رحمتك ياكاشف الضرر=أنت اللي تروف بنا بلاشك وجدالي
أنا طالبك نوّ من القبلة يحدر=سحابة عروض وبارقه يشعل اشعالي
تقصّف مقاديمه تقل جملٍ يهدر=يعزّل ربابه والطّفَل فيه يجتالي
والاجاء علىالعارض نثر صادق المطر=سبوع نهار وليل والوبل همّالي
تعوم البطاحي مثل موجٍ من البحر=وهو قد ملا في نجد وديان وهجالي
حقوقٍ يكض الأوديه وإن دمر عَمر=من الشام الى نجران يضرب به أمثالي
هنّيٍ مريّ ينفع البدو والحضر=تردّ المياه ويكثر الخير من تالي
يصيرالسهل والضلع عقب المحل خضر=ثلاثين يوم العشب لإفنوده إقذالي
تتالا الجفاف وذنبنا وقفّ القطر=وفي مجتمعنا ماكل إرباء ومحتالي
وظاهرةً خبيثة شرّها بان وأنتشر=يبيع الفتى دينه بسحتٍ من المالي
ومنع الزكاة أشد وأدهى بلا وامرّ=ثالث ركن في الأسلام وشلون يغتالي
الأرضة بنت في الأرض واستاجع الشجر=وفروع النخل لا شفتها ينعمس بالي
عساني من اللي لا بلي بالقِدر صبر=وعسانا لنا في الآخرة حسن الأعمالي
عسانا لنا حضٍ يجنّب بنا سقر=يجنّب بنا نارٍ تلظّى لها صالي
حطبها الحجر والناس وبعيدة القعر=ولاهوب فال اللي وردها لنا فالي
ترمّي شرارٍ كنّه إجمالة صِفر=ويخلد بها من كانت إذنوبه إثقالي
أنا اعوذبك يارب من كربة القبر=ثبتني على دينك لامن قمتنا سالي
ياعالم سرايرنا لك الحمد والشكر=عسانا من اللي يتبع القول بافعالي
وصلاة وسلامٍ عدّ من حج واعتمر =وتوجّه لمكه داخلٍ ذيك الأميالي

 

صح لسان القائل والناقل

 

أخوي العروان
بيّض الله وجهك على هالنقل
المميّز وصح الله لسان الشاعر
رشيد بن مساعد القباني

 

صح لسان ابو مساعد
والله يطول عمره على طاعة

ياموحي دبيب النمل مع صخرة الحجـر=يامحيـي هميـدٍ خامـدٍ ناشـفٍ بالـي
ويامنـزلٍ الـروح فـي ليلـة الـقـدر=يارب المـلا يامبـدل الحـال باحوالـي
أنت الأكرم اللي مدّتـك تفلـج الصـدر=عطايـاك ياإلاهـي كثيـرات وجزالـي

ثناء وتمجيد لله سبحانه وتعالى

أنـا طالبـك نـوّ مـن القبلـة يحـدر=سحابة عروض وبارقه يشعـل اشعالـي
تقصّـف مقاديمـه تقـل جمـلٍ يهـدر=يعـزّل ربابـه والطّفَـل فيـه يجتالـي

الله يقبل دعاك يا ابو مساعد

تعوم البطاحي مثل مـوجٍ مـن البحـر=وهو قد ملا في نجـد وديـان وهجالـي
حقوقٍ يكض الأوديه وإن دمـر عَمـر=من الشام الى نجران يضرب به أمثالـي

يالله ياكـــــــــــــــــريم

وشف ذا الشطر ما أجمل الصورة فيه
((تعوم البطاحي مثل مـوجٍ مـن البحـر))

ولاحظ الجملة التالية
(( وان دمر عمر ))
شوف وشلون دخل ابو مساعد اللغز الدارج بالقصيدة

تتـالا الجفـاف وذنبنـا وقـفّ القطـر=وفي مجتمعنا ماكـل إربـاء ومحتالـي
ومنع الزكاة أشـد وأدهـى بـلا وامـرّ=ثالث ركن في الأسلام وشلـون يغتالـي

الله يرحمنا برحمة البهايم

وصلاة وسلامٍ عدّ مـن حـج واعتمـر=وتوجّه لمكـه داخـلٍ ذيـك الأميالـي

اللهم صلي وسلم على محمد

 

اشكرك على طرح قصيــدة الشاعر الغني عن التعريف ابومساعد الله يطول في عمره ويمده

بصحه والعافيه

 

صح لسان الوالد رشيد بن مساعد وهذى عوايده الله يطول عمره , قصيدة استغاثه جزله من شاعر جزل , وعسى السيل فى وقته يملى الشعبان والوديان .. آمين يارب العالمين .

العرواااان لاهنت على النقل صح لسانك .

 

ولـــد بــداح

محمــد القباني

فهـــد ال ثلاب

ولــد امير الشمل

حد الرهيف

اشكـــركم على مروركـــم وردودكــــم على مشاركتى المتــــواضعه

على قصيـــدة الشاعـــر رشيــــد بن مســـاعد فمهمـــا قلــنا فيــه جميعـــن فلــــن نوفيــــه حقآ

ولاكـــن نســـأل الله العلي العظيـــم ان يطيـــل فـــي عمـــــــــره ويمتعــــه بالصحــــه والعافيــــه


وتقبلــــو تحيــــاتي

 

ألف شكر

 

صح لسان الشاعر رشيد بن مساعد ومشكور يالعروان على طرح القصيدة