يا ديرت الأمجاد بشراك بالسيل=سقاك ربي من حقوق الخيالي
رب كريم يوفي الكيل بالكيل=الواحد المعبود محصي الرمالي
فيض المشاعر بالقوافي عن الميل=غب المطر في جو طلحا صفالي
ديرت بني قبان ذباحت الحيل=أهل العلوم الوافية الجزالي
حنا قمرها في الدجى لا أظلم الليل=هي أمنا هي ظلنا والظلالي
ديرت بني قبان جيل بعد جيل=اللي حموها وأرخصوا كل غالي
تشفيك فزعتهم على ظمر الخيل=فوق المهار المكرمات الغوالي
يوم الوغاء يردون ورد المغاليل=حريبهم يسقوه سم ٍ زلالي
من كان جرب حربهم يشكي الويل=ما عاد ميز بين مر ٍ وحالي
مقياضنا من جال طلحا إلى الغيل=ومرباعنا معروف بأقصا الشمالي
أقولها ومنزل الحق تنزيل=امدح بني عمي وهم راس مالي
طيب القبايل حق من غير تظليل=وبطيبهم نفخر ونرقا المعالي
وصلاة ربي عد ما قايل قيل=على نبي الحق أول وتالي
العرض العادي
