آخر قصيده لرشيد بن مساعد "جديد"

هذه نصيحة من الشاعر / رشيد بن مساعد القباني

أنا ببتدي بمسيّر النوّ من منشاه=ومن بعد ذكره باقترح زين الامثالي
أبختار قاف يعجب المستمع معناه=اصوغه من الياقوت والجوهر الغالي
وأصونه من المنقود وأنزّهه وأدراه=وأقزّه وأعدّل مايله وإيتهيّالي
أسوقه مع الطاروق لين أوصله مداه=كما سوق لانظا مع جراهيد الأسهالي
لامن جات مع دوّ قطوع خلا مضماه=يلحّونها الركّاب مع صحصح خالي
مع فِرجة سِرحان فيها يجرّ عواه=حداهم على سوق الركاب أشهب اللالي
ولانيب منهو لا ولى الشعر سلّ رِواه=يبي مايبون وقِلّة العرف غربالي
يحوسه ردي الحظ واقول ياعزّاه=وإلا من بغيت أنهاه معه الجدل طالي
لاشك الخطأ وشلون نرضاه لاشفناه=أناكيف برضى به وأنا أشوفه قبالي
وأقول إنتبه ياحايس الشعر لاتبلاه=موروث الشعوب اللي تناقله الاجيالي
وترى واجب إنّا ننصر الشعر ونحماه=من ناس تعبّث به وتاطاه بنعالي
هذا وإخذ مني يا فتى كلمة مهداه=نصيحة نوجهها لكم عبر الإرسالي
تمسّك بعروة خالقك واطلب النجاه=ترى كلمة الله ترفعك منزل عالي
ومن بعد الشهاده لاتكاسل عن الصلاه=تراها عمود الدين ياطيّب الفالي
وعلى المال مهما يختلف تاجب زكاه=وزكاتك لنفسك صاع عن نقص الأعمالي
وترى الصوم رابع ركن والصوم هو لله=صم شهر رمضان وأتبعه ستّ شوالي
وترى الحج ركن لاقدرته فلا تنساه=عسى تدركه من قبل قصّاف الآجالي
أركان الإسلام اللي عليها ثبت مبناه=شِمخ صرحها من ليل الإسراء ولازالي
عسى الله يعزّ الدين ويعزّ من وآلاه=والأشرار ربي مايبقّي لهم تالي
وعندي بعد ياطيّب الفال لك وصاه=وصاةثمينة ماتقدّر بالاموالي
أوصّيك في ربعة هل المعروف واهل الجاه=هل المدح والناموس ذربين الأفعالي
إلا من بدالك لازم عندهم تلقاه=جمال التخوت اللي يشيلون الأثقالي
وحذور الردي لو إنك في الضيق لاتنخاه=لو حدّك زمانك لاتحطّه على البالي
لاترجيه كانه حي وإن مات لاتنعاه=عن قربه تبعّد لو رفيق لك موالي
وإلا رحت منّه فإحمد الله على فرقاه=ترى معك أمانه لا تحزّم بالأنذالي
ترى الطيب جبل عالي كايد مرقاه=ولاهوب ياصل قمّته كل رجّالي
يذبه غلام تكسب الطايله يمناه=عريب المجاني طيّب العم والخالي
طليق الحجاج اللي هزال النضى تنصاه=يرحّب بها لاجات من البعد هزّالي
ومن عاملك بالطيب بالسوء لاتجزاه=وفي ردّ الجميل أشره على بعض الأزوالي
لاعاملته بمعروف صدّ وعطى قفاه=نسى كل معروفك وطيبك بالأجمالي
عسى مايجي في المجتمع مثله وشرواه=لافي وقتنا القادم ولا وقتنا الحالي
أنا أشره وأنا مالي سبيل على من تاه=ولانيب مسئول عن الشدّ لامالي
ونهاية كلامي بأطيب المسك ختّمناه=وأفكر عسى مافيه للنقد مدخالي
وأصلّي عدد ما أنشى سحاب ونثّر ماه=على المصطفى شفيعنا يوم الأهوالي

مع تحياتي / عديل الروح

وقريبا إن شاء الله أول قصيده لابو مساعد

 

صح لسان ابو مساعد
ونصيحة ثمينة
مثل ما قال ابو مساعد :

وعندي بعد ياطيّـب الفـال لـك وصـاه|*****وصاةثميـنـة ماتـقـدّر بـالامـوالـي

نسأل الله أن يجعلها في موازين حسناته

وما قصرت يا عديل الروح
وعافاك الله

أخوك/
فهد ال ثلاب

 

صح لسانه

ولاهنت

على النقل

 

اخوي فهد أشكرك على الإطلاله
عديل الروح

 

اخي ناصر

صح بدنك

ومن قال مايهان

ألف شكر

 

الله الله يابومساعد , صح لسانك ونصايحك تاج على الراس , صح لسانك الف .

تسلم ياعديل الروح وعسى يطول لنا بعمر والدنا الكبير رشيد بن مساعد .

 

[]

اخوي حد الرهيف صح بدنك أشكرك على مرورك

عديل الروح

 

عديل الروح
صح لسان الشاعر رشيد بن مساعد
وسلمت يدك على المشاركة الجميلة
تحياتي وتقديري لك

 

كفيت ووفيت ياعديل الروح على ماقدمت لنا من جديد وقديم من شعر الراوي الكبير رشيد بن مساعد دمت ودام ابو مساعد بحفظ الله ورعايته

 

ماقصرت على النقل وكفيت ووفيت وصح لسان ابومساعد

 

عديل الروح
صح لسانــك والســـان الشاعر رشيد بن مساعد القباني

وبيض الله وجهــك على المشاركــه الطيبــــه


تقبــل تحياتـــي


ن؟؟؟؟؟؟؟؟؟؟؟؟ك

 

محمد القباني
صح بدنك
ومن قال يسلم
ألف شكر لك
عديل الروح

 

القباني مشكور على مرورك
وانت في حفظ الله ورعايته
عديل الروح

 

ولد بداح صح بدنك
عديل الروح

 

العروان صح بدنك
ووجهك إبيض
عديل الروح