لا تازن الرجـال لاشفـت زولـه

قصيدة اعجبتني وحبيت انقلها لكم للشاعر بدر الحويفي الحربي

لا تـــازن الـرجــال لاشـفــت زولـــهوزن الرجـال أعقولهـا يـا فتـى الجـود

دلايــــل الــرجــال فـعـلــه وقــولــهتحكـم علـيـه بمنطـقـه عـلـم مـوكـود

مــا ينـفـع الـرجـال جسـمـه وطـولـهلا صار ما يـدري عـن النقـص والـزود

كسـب المعالـي مـا يـجـي بالسهـولـهيصعب على اللي ما يجامل على الكود

المـجـد عـشـاق الكـسـل مــا يـنـولـهدربه على اللي يجهل الطيـب مسـدود

وحفظ الشرف مبدأ صفـات الرجولـهوالمتـزن مـا هــو عـلـى درب منـقـود

ومـرافـق الجـهـال يــا بــن الحمـولـهنقـص ٍعلـى السمعـه وتعقيـد وعـقـود

كــل ٍجليـسـه يقـتـدي فـــي فـعـولـهالمعتـدل واللـي عـن الخـيـر مـصـدود

ومـع الأسـف بعـض العقـول معزولـهمــا تـقـل بالدنـيـا لـهــم رب مـعـبـود

مـا خافـوا المولـى وطـاعـوا رسـولـهالـلـي لــه العـبـاد خـشــاع وسـجــود

مــا حسـبـوا يـــوم ٍحـسـابـه وهـولــهيشيب راس اللـي هـاك اليـوم مولـود

يـطــرق منـافـيـذ الـخـوافـق ذهـولــهيـوم الحسـاب اللـي بـه العبـد موعـود

بـأخـر نـفـس لانـوخــت بـــه ذلـولــهيــوم التفـاهـم بـيـن نـاشـد ومنـشـود

عـنـد الضـريـح أخــر محـطـة نـزولـهالنفـس تصعـد والجسـد مرتـع الــدود

يأهـل العقـول المبـصـرات احسبـولـهتـرى الحيـاة بـلا عمـل مــا بـهـا فــود

اعمـل عمـل واطلـب مـن الله قبولـهمنهـج طريـق الخيـر واضـح ومحـمـود

دامــك نشـيـط وكـــل شـــي ٍتـنـولـهتـرى السفـر لـه حـد والعمـر محـدود

 

صح الله لسانك ولسان الشاعر بدر الحويفي الحربي


ولا خلا ولا عدم

 

ولد العناقيد ماقصرت ابيات جزلة وذائقة شعرية مميزة
بيض الله وجهك وصح لسانك ولسان شاعرها

 

لاهنت ولد العناقيد نقل طيب وقصيدة جميلة بارك الله فيك على التواصل

 

صح لسانك والسان الشاعر

 

صح لسانك ولاهنت