يماني يقول قصيدة في رشيد بن مساعد - منتديات القبابنة
موقع القبابنة لوحة تحكم العضو البحث تواصل مع الإدارة  




العودة   منتديات القبابنة منتديات القبيلة شعراء القبيلة وماقيل فيها

شعراء القبيلة وماقيل فيها سيره , قصائد , قصص ، شعر

يماني يقول قصيدة في رشيد بن مساعد


إضافة رد
 
أدوات الموضوع انواع عرض الموضوع
قديم 11-08-2006, 08:53 PM   رقم المشاركة : 1
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

يماني يقول قصيدة في رشيد بن مساعد

في سنة من السنوات كان في الفرشة رجل من الجنسية اليمنية اسمه علي بن أحمد القطمي السيفي ويلقب بأبوعبدالله وكان يعمل في ورشة تابعة لفلاح بن فالح القباني وكان له أبناء اخت إثنين وكانوا في قرية العليا وصار لهم حادث على مثلث قرية العليا وحفر الباطن والنعيرية وانتقلوا إلى رحمة الله تعالى.
وعندما علم ابوعبدالله بوفاتهم إتجه إلى فلاح بن فالح وأخبره بالموضوع وطلب منه الفزعة وكانت سيارة ابوفالح ليست معه في ذلك الوقت فذهب إلى اخيه حمد بن فالح رحمه الله فأخذ سيارته وأتاهم الشاعر رشيد بن مساعد ليذهب معهم لكبر مكانة ابوعبدالله عندهم ولكنهم حلفوا عليه بعدم الذهاب واتجهوا إلى الشيخ فلاح بن ماضي القباني وأخذوا منه ورقة تعريف ثم ذهبوا إلى قرية العليا واتجهوا إلى المستشفى مباشرة وأنهوا كافة إجراءاتهم وأخذوا المتوفين وغسلوهم وكفنوهم وصلوا عليهم ودفنوهم.....

وبعدها قال هذه القصيدة الموجهة للشاعر/ رشيد بن مساعد القباني


أنــا أول كـلامـي قـلــت يـاحــي يـــاروافويـاعـالـم الـظـاهــر ويـافـاهــم الـخـافــي
سماحـك وغفرانـك طلـب عبـدك الـخـوافمتـى فـاض روحــه بـعـد مـاكـان متعـافـي
عسى يا من أمرك والقضاء بين نون وكافتنـزل ذنوبـي والخطـأ مــن عـلـى اكتـافـي
وانا البارحـه عينـي تعيـف النعـاس اعيـافواجـر القلـم واكـتـب بيـوتـي عـلـى قـافـي
تذكـرت خـوّت مـن سكنهـم هجـر وريــافهـل الطـول واهـل المرجلـه كمّـن سنافـي
وانــا مــن صـداقـة خايبـيـن النـبـا حــلاّفواعاشـر رجـال اسلومهـم عـدل وانصافـي
بفـضـل الله اتجنـبـت درب الــردا عـفّــافواحـب الوفـا والـصـدق لــو دونــه اتـلافـي
ولـي ربـع فالفرشـة يفوقـو علـيّ باضعـافلـهـم فالمـجـالات الحـمـيـده نـبــا شـافــي
هـل العـز والنامـوس تـفـزع مــع الهـتّـاففــي الضـيـق والـشـدات مكيالـهـم وافــي
رجال الكـرم والجـود والضيـف والمضيـافومـن غـاب منهـم يعتبـر مـن حضـر كافـي
يقولـه مجـرب ذاق مــر الـزمـان اصـنـافنـهـار الـقـدر سـاقـت عـلـى ربعـنـا لافــي
وابوماضي اسعفني بذاك الخطـاب اسعـافلـه البيـض تنشـر مـن علـى كـل مشرافـي
ركب موتره واشمـر مـع مالصبـاح اشتـافوابـوفـالـح اتـحـمـل مـراحــي ومعـطـافـي
يـدل المناطـق والمـراكـز بــدون اوصــافتـقــول ان راســـه كمبـيـوتـر وجـغـرافــي
وجانـي رشيـد وقـال لـي ماهـنـاك خــلافلزومـك تـرى بقضيـه لـو رحـت لـه حافـي
وانـا اعتـز واتشـرف بخـوّة رجـال اشـرافسواليـفـهـم وطبـوعـهـم قـمّــة أهــدافــي
علـى الجـوده اتربـوا يـوم السنيـن عـجـافوعــاد المطـايـا تـنـقـل افـــراد واردافـــي
لهم حظ وافر في الشبب من ورى لاسلافعيـال الحمـايـل مــا نـفـى علمـهـم نـافـي
سـلامـي لـهـم مايلـمـي الـبـارق الـرفــافومـاهـل مـزنـه مـــن غـزيــرات القـنـافـي
ووجدي عليهـم مثـل مـا الحاشـي الميـلافإلامـن ورى الـبـل حــده الـراعـي الجـافـي
إلامـن قيـده وامكـن رباطـه وحـط أشنـافولاهــو بـداهـل حــد يــرده مـــن الـعـافـي
قعـد يلتـوي فالربـط يـوم أدبـر المحـظـافبغـى البـل ودون البـل تماطـيـر واشعـافـي
ويـاحـز قلـبـي حــزة الـسـلـف بـالـحـذاففـي الموتـر اللـي يشتغـل وانثـنـى طـافـي
وراحت سنـون التـرس حتـى غـدا مستـافتعـطـل ولابــه حـــول سـواقــه اسـعـافـي
على اللي حتفهـم حكـم رب المـلا الحتـافمشـل وسعـد وحـمـد حميـديـن الوصـافـي
عساهم في الفردوس العـلا وحـور الطـافومـسـكـن طبـيـعـي لا بـبــارد ولا دافــــي
طلبـهـم محـضـر والفـواكـه لـهـا قـطــافونهـر اللبـن جـاري ومثلـه عـسـل صـافـي
وكـم غيرهـم تبقـى عليـه الكـبـود ارهــافورى الجود يذري مـن علـى قبـره السافـي
ورب الخـلايـق مــاورى حكـمـه إستـئـنـافولـه كـل مايعطـي واخـذ وامــره الضـافـي
واصلـي علـى طـه النبـي ماقـرو الـعـرافومـاطـاف بـأركـان الـحـرم كــل طـوافـي

وكان الشاعر يتوجد على مشل بن مساعد وسعد بن ضويحي وحمد بن فالح رحمهم الله جميعا


ورد الشاعر/ رشيد بن مساعد القباني بهذه القصيدة


لفـانـي بـيـوت هيضتـنـي وانــا مـشـعـافمع الفاكس ساعة جـات قلبـي لهـا زافـي
كـمـا زاف روض عـلـه الـوابــل الـهـتـافعلـيـه أنتـثـر مــن غــر الامــزان هتـافـي
بيـوت جزيـلات المعانـي مهـيـب ضـعـافتـفـوق الجـواهـر بالثـمـن عـنـد صـرافــي
عـلـى جيـهـا لــو بشـرونـي بـاسـوق آلافولاكـــان ربـــي مـاومـرنــا بـالإسـرافــي
لفتني من القطمـي وقدنـي علـى ميهـافنحـو خاطـري ينـقـاد للصـاحـب الصـافـي
وساعة قروا مضمونها صـار بـي خفخـافوجفنـي سهـر مـن لــذة الـنـوم متجـافـي
وغدى وسط صدري مثل طبل معا دفـافإلامـنــه دقـــه لـيـلـة الـحـفـل دفــافــي
يطقـه شطيـر شـاقـه الـصـف والـعـزافوطـالـع بعيـنـه مــن المزايـيـن غـريـافـي
ومـن شافنـي يقـول فـي عقلـه إخـتـلافأسجـم وكــل فــي لـذيـذ الـكـرى غـافـي
وأنـا أنـوب عـن ربعـي بـرد التحيـة كــافتحـيـة طـويـل عمقـهـا قـطـرهـا ضـافــي
هـلا بالرسـالـه عــد منـهـو لمـكـة شــافوعدد مابـرق مـن ناشـي المـزن كشافـي
أنــا أفــز لامـنـه لفـانـي جـزيـل الـقــافما أحـب البيـوت إن صـار فيهـا تعجرافـي
وياراكـب اللـي لامـشـى للجـلـد خـطـافإلامــن عـطــى دو غـــدا لـــه تـرشـافـي
أميـر الجـيـوب وسايـقـه نشـمـي حــوافومـلـفـاه قــــرم للمـنـاعـيـر مـضـيـافـي
يـوصـل عـلـي مـثـايـل صـعـبـة الـــولافجـزيـلـة وقـلـبـي لـلـجـزيـلات مـيـلافــي
تـرى عـوص لانضـا لاتعصـت لهـا عسـافوأنــــا للـمـثـايـل لاتـعـصــن عـســافــي
ميـر السابـق الاول لحلـو الـزهـر قـطـافوالاخـيـر دايــم حـقـه الــدوس وعـذافـي
ألا ياعـلـي حـامـي الركـايـف وهــن زلافلامــن أشـهـب الـبـارود جـالـه تقصـافـي
وياعيدهـن لامــن اقبـلـن كنـهـن اقــرافتسـالـس باهلـهـا هـزلـة عـقـب لصـلافـي
تـرى ماعليكـم زود ياملتجـى مــن خــافطموحـيـن للعـلـيـا عـزيـزيـن واشـرافــي
تراكم هل المعروف من عصر وقت طافلكم موقف فـي مـا مضـى نعـم ميقافـي
لكم ياعلـي صحايـف مـن العيـوب نظـافعـن العيـب ودروب الـردا بيـض ونضافـي
نــوادر حـــرار فـــي مخاليـبـهـا لاتـــلاففـي وقـت الهـدد لطماتـهـا مالـهـا رافــي
تصدون الأعداء في اللقاء والجموع أردافإلامن حصل صـولات مـن بيـن الأطرافـي
ترى العين يالقطمي فراش لكـم ولحـافأقـولـه وأنـــا لاقـلــت مـانـيـب زهـافــي
لـكـم بـالـوداد إقلوبـنـا والكـبـود صـخـافغـلاكـم طـبـع بصـدورنـا بـيـن الأنـجـافـي
عسى نجتمع من قبل يبطش بنا القصـافأمـر الله تــراه بنطـقـة الـنـون والكـافـي
ترى العود يضـرم لوتنبنـب وطـال وغـافوتــرى ياعـلـي للعـمـر طـــارد ولـقـافـي
وصـلاة عـدد مـاغـرد الــورق بالغـطـرافعلى المصطفى ماناظـة بـروق الأصيافـي
وعدد من لقط جمرات من بعد الانصـرافوكمـل شـروط الـحـج وأنــوى بالإنكـافـي

وتقبلوا تحيات اخوكم عديل الروح وجميع الحقوق محفوظة لدى عديل الروح

 







  رد مع اقتباس
قديم 11-08-2006, 10:53 PM   رقم المشاركة : 2
فريق الاشراف
 
الصورة الرمزية القباني






القباني غير متصل

القباني is on a distinguished road


 



الوفاء والكرم من طبع الكرام ليست غريبة على أبناء العرب وهذه العادات حث عليها ديننا الإسلامي الحنيف وكانت موجود قبل الأسلام وزاد عليها أن أضاف الأجر والمثوبة لمن قام وساعد بها .

نشكر أخينا عديل الروح على مساهمته في توثيق مثل هذه المواقف .

 







توقيع :

[align=center]اللهم إنا نعوذ بك من الفقر إلا إليك ومن الذل إلا لك ومن الخوف إلا منك ونعوذ بك من غلبة الدين وقهر الرجال .[/align]


..سبحان الله وبحمده عدد خلقه ومداد كلماته وزنه عرشه ..

استمع للقران الكريم وانت تتصفح منتديات القبابنة بالصوت القارئ الذي تختار :

الـقـرآن الـكـريــم






[align=left][align=center]

[/align][/align]



[
  رد مع اقتباس
قديم 11-08-2006, 11:01 PM   رقم المشاركة : 3
عضو متميز





ولد بداح غير متصل

ولد بداح is on a distinguished road


 

الله الله صح لسان ابومساعد وصح لسان ابوعبدالله
وبيض الله وجهك ياعديل الروح
والله القطمي مهوب سهل
اكثر شي يعجبني في قصيد ابومساعد
غزارة الألفاظ وسلاسة المعني وجزلة معهودة وغير مستغربة
مشكور ياعديل الروح وتقبل تحياتي

 







توقيع :

[align=center][/align]
  رد مع اقتباس
قديم 11-08-2006, 11:31 PM   رقم المشاركة : 4
مشرف
 
الصورة الرمزية العـــروان






العـــروان غير متصل

العـــروان is on a distinguished road


 

بيــض الله وجهــك على ايراد القصه والقصيده

وصح لسانك ولسان الشاعر ابو عبدالله والشاعر ابو مساعد

واتمنى من الله ثم منك ان تنزل جميع القصائد التي دارت بين الشاعرين

وتقبــل تحيات

نــــــــــــــــــــــــــ ؟؟؟؟؟؟؟؟؟؟؟؟؟؟؟؟؟؟؟؟كـــــــــــــــ

 







توقيع :

  رد مع اقتباس
قديم 11-09-2006, 12:34 AM   رقم المشاركة : 5
فريق الاشراف





فهد ال ثلاب غير متصل

فهد ال ثلاب is on a distinguished road


 

بيض الله وجهك يا عديل الروح

وهذي القصايد اللي تطرب وتقراه كم مره ,,,
وكل مره تعجبك أكثر وأكثر

وعز الله ذا اليمني يستاهل الفزعة ، ورجال يعرف المعروف وما ينساه

ثم طيبكم وشهامتكم يا عديل الروح ،،، خصلة متأصلة فيكم
مهيب تصنع ،،ولا كم واحد بيصد وبيقول هذا يماني بكيفه
لاكن في مثل هذا الموقف تخرج معادن الرجال

ولي ربع فالفرشة يفوقو علـيّ باضعـاف******لهـم فالمجـالات الحميـده نبـا شـافـي
هل العز والناموس تفـزع مـع الهتّـاف*****في الضيـق والشـدات مكيالهـم وافـي
رجال الكرم والجود والضيف والمضيـاف****ومن غاب منهم يعتبر مـن حضـر كافـي


وصح لسان ابو مساعد
وكما قال هو :
ترى عوص لانضا لاتعصت لها عسـاف****وأنـا للمثـايـل لاتعـصـن عسـافـي

اي والله تعسف المثايل يا ابو مساعد وكفوا
ومثل هالقصيدة تتميز بغزارة المعنى وجزالة الوصف
وسلاسة الألفاظ وسهولتها
ولعلك تسمح لي أخوي عديل الروح أمثل بيتين من القصيدة

مثل ذا البيت اللي إختصرت وصف الجيب بكلمتين

أمير الجيـوب وسايقـه نشمـي حـواف*****وملفـاه قــرم للمناعـيـر مضيـافـي

امير الجيوب وش بعد غير هالوصف
معاد يحتاج يطول ويسهب في الوصف


والمثال الثاني
شف وشلون يوصف دق قلبه /
يطقه شطيـر شاقـه الصـف والعـزاف*****وطالع بعينـه مـن المزاييـن غريافـي

وصف دق قلبه مثل /
1- دق طبل
2- اللي يطقه شطير ( خبير ) مهوب يتعلم
3- وهالشطير ( صلح له اللعب وأعجبته الصفوف ) يعني بيطق الطبل صح
4- وزاد على ذا كله شاف له بنت مزيونة تشوف اللعب

أنا أشهد أن ذا الطبل راح فيها

والقصيدة جزله وجميع أبياتها من أروع مايقرأ
وتجد فيها صدق العاطفة

ترى العين يالقطمي فراش لكـم ولحـاف*****أقولـه وأنـا لاقلـت مانيـب زهـافـي
لكم بالـوداد إقلوبنـا والكبـود صخـاف******غلاكم طبـع بصدورنـا بيـن الأنجافـي

وفي الختام
صح لسان الشاعر والوالد ابو مساعد
وأمل يا عديل الروح أن تزودنا دائما بقصائد ابو مساعد
وكما سمعت أن بينه وبين هذا اليمني قصائد عديدة
فياليت تعطينا منها

وسلامتكم
فهد ال ثلاب

 







توقيع :

  رد مع اقتباس
قديم 11-09-2006, 03:23 AM   رقم المشاركة : 6
مشرف
 
الصورة الرمزية حد الرهيف






حد الرهيف غير متصل

حد الرهيف is on a distinguished road


 

صح لسان والدنا الكبير , بومساعد , وصح لسان القطمى والله يرحم ابناء اخته رحمه واسعه , وعزالله ان القطمى صدق ويستاهل بومساعد والجماعه المدح ماهى غريبه عليهم , هذى فعولهم وفعول الجماعه الفزعه للقصير والضيف , والله يرحم مشل وحمد وسعد ويسكنهم الجنه , واخيرا ياعديل الروح تقبل كل تقديرى واحترامى

 







توقيع :

  رد مع اقتباس
قديم 11-09-2006, 02:58 PM   رقم المشاركة : 7
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

اقتباس:
المشاركة الأصلية كتبت بواسطة ولد بداح
الله الله صح لسان ابومساعد وصح لسان ابوعبدالله
وبيض الله وجهك ياعديل الروح
والله القطمي مهوب سهل
اكثر شي يعجبني في قصيد ابومساعد
غزارة الألفاظ وسلاسة المعني وجزلة معهودة وغير مستغربة
مشكور ياعديل الروح وتقبل تحياتي
الاخ ولد بداح

وصح بدنك نيابه عن الشعراء وجهك ابيض

وشكرا علي الاطلاله

 







  رد مع اقتباس
قديم 11-09-2006, 03:11 PM   رقم المشاركة : 8
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

اقتباس:
المشاركة الأصلية كتبت بواسطة العـــروان
بيــض الله وجهــك على ايراد القصه والقصيده

وصح لسانك ولسان الشاعر ابو عبدالله والشاعر ابو مساعد

واتمنى من الله ثم منك ان تنزل جميع القصائد التي دارت بين الشاعرين

وتقبــل تحيات

نــــــــــــــــــــــــــ ؟؟؟؟؟؟؟؟؟؟؟؟؟؟؟؟؟؟؟؟كـــــــــــــــ
الاخ العروان وجهك ابيض

وبحاول قدر المستطاع ايراد مادار بين الشاعرين

وياليت يالعروان توضح الاستفهام ولانريد الالغاز والتي ليس لها داع لاننا بين اخواننا في منتدى القبابنة

وانا انسان واضح وصريح:h035:

 







  رد مع اقتباس
قديم 11-09-2006, 03:23 PM   رقم المشاركة : 9
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

الاخ فهد ال ثلاب

اشكرك على مرورك واطرائك الجميل والاكثر من رائع

وفي القريب العاجل ان شاءالله سنوافيكم بما دار بين الشاعرين من قصائد




اخوكم / عديل الروحِ

 







  رد مع اقتباس
قديم 11-09-2006, 03:28 PM   رقم المشاركة : 10
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

اقتباس:
المشاركة الأصلية كتبت بواسطة حد الرهيف
صح لسان والدنا الكبير , بومساعد , وصح لسان القطمى والله يرحم ابناء اخته رحمه واسعه , وعزالله ان القطمى صدق ويستاهل بومساعد والجماعه المدح ماهى غريبه عليهم , هذى فعولهم وفعول الجماعه الفزعه للقصير والضيف , والله يرحم مشل وحمد وسعد ويسكنهم الجنه , واخيرا ياعديل الروح تقبل كل تقديرى واحترامى

الاخ حد الرهيف

صح بدنك نيابه عن الشاعرين

والله يرحم امواتنا واموات كل المسلمين

وشكرا لك علي المرور


اخوكم / عديل الروح

 







  رد مع اقتباس
قديم 11-10-2006, 01:58 PM   رقم المشاركة : 11
عضو مهم






العضو ن غير متصل

العضو ن is on a distinguished road


 

بيــض الله وجهــك على ايراد القصه والقصيده

وصح لسانك ولسان الشاعر ابو عبدالله والشاعر ابو مساعد

لاهنت

 







  رد مع اقتباس
قديم 11-10-2006, 02:25 PM   رقم المشاركة : 12
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

اخوي ناصر حضرم العنقودي ووجهك أبيض ومن قال مايهان وأشكرك على المرور
عديل الروح

 







  رد مع اقتباس
قديم 11-12-2006, 12:44 PM   رقم المشاركة : 13
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

الصوت

ولي ربع فالفرشة يفوقوا عليّ بأضعافلهـم فالمجـالات الحميـده نـبـا شـافـي
هل العز والنامـوس تفـزع مـع الهتّـاففـي الضيـق والشـدات مكيالهـم وافـي
الصدى

تـرى ماعليكـم زود ياملتـجـى مــن خــافطمـوحـيـن للعـلـيـا عـزيـزيـن واشـرافــي
تراكم هل المعروف من عصر وقت ٍ طافلكم موقف ٍ فـي مـا مضـى نعـم ميقافـي
لا رفعت الصوت يرجع لك صدى آه يا ماأحلى المثل
أخوي عديل الروح مشكور على إظهارك لهذه الروائع خصوصاً القصائد المتبادله بين الشعراء
لها مذاق خاص عند متذوقي الشعر فلا تبخل علينا بها يعطيك العافية

 







توقيع :

[frame="6 70"]أمة لاتعرف تاريخها .. لاتحسن صياغة مستقبلها[/frame]

[align=center][/align]


[align=center]

[/align]
  رد مع اقتباس
قديم 11-19-2006, 12:18 PM   رقم المشاركة : 14
عضو فعال
 
الصورة الرمزية راشد آل سياف





راشد آل سياف غير متصل

راشد آل سياف is on a distinguished road


 

بيض الله وجهك يا عديل الروح

وهذي القصايد اللي تطرب وتقراه كم مره ,,,
وكل مره تعجبك أكثر وأكثر

وعز الله ذا اليمني يستاهل الفزعة ، ورجال يعرف المعروف وما ينساه

ثم طيبكم وشهامتكم يا عديل الروح ،،، خصلة متأصلة فيكم
مهيب تصنع ،،ولا كم واحد بيصد وبيقول هذا يماني بكيفه
لاكن في مثل هذا الموقف تخرج معادن الرجال

 







توقيع :



مشكور اخوي العروان على الصوره :a018:
  رد مع اقتباس
قديم 05-05-2007, 08:31 PM   رقم المشاركة : 15
عضو مهم
 
الصورة الرمزية عديل الروح





عديل الروح غير متصل

عديل الروح is on a distinguished road


 

ألف شكر

 







  رد مع اقتباس
إضافة رد

الكلمات الدليلية
مساعد, يلاند, يقول, رشيد, قصيدة


يتصفح الموضوع حالياً : 1 (0 عضو و 1 ضيف)
 

 

الساعة الآن 02:30 AM.



Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved