قصيدة شاب فقير خطب بنت عمه المليونير

سبحان من يرزق بتوع الملايين = الرازق اللي ما يخيب الرجا به
لي عم عنده معرض للصوالين = أموت وأعرف بس من وين جابه
واذا سألته قال بعت الدكاكين = مايدري اني ما هضمت الإجابه
الشاهد اني رحت له قبل يومين = في قصره العامر ودقيت بابه
قال أرحب أرحب عدد ورد البساتين = يا مرحبا باللي لفا يا هلابه
قلت البقا عد النفل والرياحين =يا شيخ شمل أهل الكرم والذرابه
قال أسلم الله يحفظك لي من العين = وآمر أوامر حضرتك مستجابه
قلت الصراحه طالب قرب غالين = ودي تزوجني كريمتك يابه
ثنى وقال أهلين والله وسهلين = والكون ترخص لجل عينك رقابه
لكن ترى عندي شروط وقوانين = قلت اشرط اشرط يا حبيب الغلابه
قال أولا مهر العروسه ثمانين = غير الرسوم وغير حق العصابه
والثانيه عمك يبي منك سبعين = رسم الأبوه والنسب والقرابه
وأم العروسه حقها منك ستين = عشانها ست الحسن والمهابه
وإخوانها كلن يبي منك خمسين = عدا ونقدا تندرج في حسابه
وخواتها الخمس عطهن من ثلاثين =عشان تتوثق عروق النسابه
وتجيب طقم عيار واحد وعشرين = وخاتم من الماس المصفى ترابه
واكياس متروسه كعوب وفساتين = ألوانها وأشكالها ما تشابه
وموتر بسواقه وفيلا بدورين =أثاثها من بطرته ينحكى به
واحجز لنا قاعه بقصر السلاطين = واحجز بها رقاصتين وربابه
هذي الشروط اللي على بالي الحين =وذكرني اللي ما حسبنا حسابه
قلت أذكر الله يا عدو المساكين = واستغفره لا يبتليك بعذابه
الظاهر انك منت عارف انا مين = انا لو أرقى فوق متن السحابه
ما جبت حتى نص درزن مواعين = واضحك بكيفك واعتبرها دعابه
شروطكم هذي شروط المجانين = شروطكم شغل ابتزاز ونهابه
شروطكم تقصم ظهور البعارين = شروطكم همن وغم وكآبه
شروطكم والله سيوف وسكاكين = تذبح بنات المجتمع مع شبابه
وين الرضا والعطف واليسر واللين = اللي ذكرها الله بمحكم كتابه
وين الصفات اللي أمرنا بها الدين =وين اختفى نهج النبي والصحابه
يا عم جعل اللي خلقنا من الطين = يرد عقلك من خطاه لصوابه
ويجعل نصيبي عند غيرك قل آمين = ويحسن عزا الصابر ويجزل ثوابه
قال انت لو فكرت تفكير صاحين = ما شفت في مجمل شروطي غرابه
حنا بعصر العولمه والمزايين = ما هوب عصر الفلسفه والخطابه
الناس تسعى للرتب والنياشين =وانت اهتمامك بالشعر والكتابه
والشعر ما ينفعك لو هو دواوين= ما دام جيبك مثل بيت الخرابه
يابوك لا تسمع كلام المصاخين = واسأل مجرب عاش في وسط غابه
قلت الله اكبر يا محرر فلسطين =من يسمعك يحسبك ذيب الذيابه
تراك شايب راس مالك ريالين = والبنت ما تسوى جناح ذبابه
قال انقلع مالت على وجهك الشين =لاعاد أشوفك عندنا يالزلابه
قلت ابشر ابشر لكن الباب من وين =واقفيت من عنده على صوت بابه

مع تحياتي أخوكم أبوسعـد

 

صح السااااااااانك

اخوي

ابن جنيف

على القصيييييييدة

تقبل تحياااااااااااااتي

 

”

المشاركة الأصلية كتبت بواسطة أبن جنيف سبحان من يرزق بتوع الملايين = الرازق اللي ما يخيب الرجا به لي عم عنده معرض للصوالين = أموت وأعرف بس من وين جابه واذا سألته قال بعت الدكاكين = مايدري اني ما هضمت الإجابه الشاهد اني رحت له قبل يومين = في قصره العامر ودقيت بابه قال أرحب أرحب عدد ورد البساتين = يا مرحبا باللي لفا يا هلابه قلت البقا عد النفل والرياحين =يا شيخ شمل أهل الكرم والذرابه قال أسلم الله يحفظك لي من العين = وآمر أوامر حضرتك مستجابه قلت الصراحه طالب قرب غالين = ودي تزوجني كريمتك يابه ثنى وقال أهلين والله وسهلين = والكون ترخص لجل عينك رقابه لكن ترى عندي شروط وقوانين = قلت اشرط اشرط يا حبيب الغلابه قال أولا مهر العروسه ثمانين = غير الرسوم وغير حق العصابه والثانيه عمك يبي منك سبعين = رسم الأبوه والنسب والقرابه وأم العروسه حقها منك ستين = عشانها ست الحسن والمهابه وإخوانها كلن يبي منك خمسين = عدا ونقدا تندرج في حسابه وخواتها الخمس عطهن من ثلاثين =عشان تتوثق عروق النسابه وتجيب طقم عيار واحد وعشرين = وخاتم من الماس المصفى ترابه واكياس متروسه كعوب وفساتين = ألوانها وأشكالها ما تشابه وموتر بسواقه وفيلا بدورين =أثاثها من بطرته ينحكى به واحجز لنا قاعه بقصر السلاطين = واحجز بها رقاصتين وربابه هذي الشروط اللي على بالي الحين =وذكرني اللي ما حسبنا حسابه قلت أذكر الله يا عدو المساكين = واستغفره لا يبتليك بعذابه الظاهر انك منت عارف انا مين = انا لو أرقى فوق متن السحابه ما جبت حتى نص درزن مواعين = واضحك بكيفك واعتبرها دعابه شروطكم هذي شروط المجانين = شروطكم شغل ابتزاز ونهابه شروطكم تقصم ظهور البعارين = شروطكم همن وغم وكآبه شروطكم والله سيوف وسكاكين = تذبح بنات المجتمع مع شبابه وين الرضا والعطف واليسر واللين = اللي ذكرها الله بمحكم كتابه وين الصفات اللي أمرنا بها الدين =وين اختفى نهج النبي والصحابه يا عم جعل اللي خلقنا من الطين = يرد عقلك من خطاه لصوابه ويجعل نصيبي عند غيرك قل آمين = ويحسن عزا الصابر ويجزل ثوابه قال انت لو فكرت تفكير صاحين = ما شفت في مجمل شروطي غرابه حنا بعصر العولمه والمزايين = ما هوب عصر الفلسفه والخطابه الناس تسعى للرتب والنياشين =وانت اهتمامك بالشعر والكتابه والشعر ما ينفعك لو هو دواوين= ما دام جيبك مثل بيت الخرابه يابوك لا تسمع كلام المصاخين = واسأل مجرب عاش في وسط غابه قلت الله اكبر يا محرر فلسطين =من يسمعك يحسبك ذيب الذيابه تراك شايب راس مالك ريالين = والبنت ما تسوى جناح ذبابه قال انقلع مالت على وجهك الشين =لاعاد أشوفك عندنا يالزلابه قلت ابشر ابشر لكن الباب من وين =واقفيت من عنده على صوت بابه مع تحياتي أخوكم أبوسعـد

واحجز لنا قاعه بقصر السلاطين ***** واحجز بها رقاصتين وربابه

الله عليه يبي رقاصتين وربابة بعد

أبوسعد الله يعطيك العافية
قصيدة فيها من الطرافة والواقع الشيء الكثير
كان الله في عون المساكين الفقارى على شروط أولياء الأمور التعجيزية

تقبل تحياتي وتقديري

 

”	المشاركة الأصلية كتبت بواسطة بدر القباني صح السااااااااانك اخوي ابن جنيف على القصيييييييدة تقبل تحياااااااااااااتي

هلااابك اخوي بدر .. تحياتي ومشكور على المرور

 

”	المشاركة الأصلية كتبت بواسطة محمد القباني واحجز لنا قاعه بقصر السلاطين ***** واحجز بها رقاصتين وربابه الله عليه يبي رقاصتين وربابة بعد أبوسعد الله يعطيك العافية قصيدة فيها من الطرافة والواقع الشيء الكثير كان الله في عون المساكين الفقارى على شروط أولياء الأمور التعجيزية تقبل تحياتي وتقديري

آمين كان الله في عونهم ..
مشكور وتحياتي لك ..

 

ابن جنيف لاهنت على الطرح الرائع

والله يكون في العووووووووون....

 

”	المشاركة الأصلية كتبت بواسطة سعد بن عبدالله ابن جنيف لاهنت على الطرح الرائع والله يكون في العووووووووون....

مشكور اخوي سعد .. تحياتي لك